Në Ditën Botërore të Autizmit, më 2 prill bashkohemi për të rritur ndërgjegjësimin dhe për të shprehur mbështetje ndaj të gjithë atyre që janë prekur nga ky çrregullim bioneurologjik i trurit, shkruan në Facebook deputeti i VLEN-it Bekim Sali.
“Autizmi është një sfidë e përditshme për individët dhe familjet që përballen me të, por po ashtu edhe një mundësi për të ndërtuar një shoqëri më të barabartë dhe më të përfshirë.
Është e rëndësishme që të punojmë së bashku për të krijuar një shoqëri ku secili individ, pavarësisht nga sfidat që mund të ketë, të ndihet i pranuar dhe i mbështetur.
Le të jemi të vetëdijshëm për nevojën për më shumë informacion, mbështetje dhe mundësi për individët që jetojnë me autizëm dhe për ata që kujdesen për ta. Të ndërtojmë një shoqëri që është e hapur, e ndihmon dhe i jep mundësi çdo individi për të shprehur potencialin e tij”, ka shkruar më tej Sali.
https://www.facebook.com/plugins/post.php?href=https%3A%2F%2Fwww.facebook.com%2Fbekim.sali.98%2Fposts%2Fpfbid0238HkbNrAivkSGhiwy3ZiAzuWnseQGbfRoq1NRfmYtHGbn46GuvmcnrrxwySqn8qTl&show_text=true&width=500
