Deputeti i VLEN-it, Bekim Sali vazhdon takimet zyrtare në kuadër të vizitës së tij në SHBA. Ai njoftoi se sot është takuar me zv/guvernatorin e shtetit të Vermontit, John S. Rodgers.
Njoftimi i plotë i deputetit Sali:
Në vazhdën e takimeve tona zyrtare në Shtetet e Bashkuara të Amerikës, patëm nderin të takohemi edhe me Zëvendësguvernatorin e shtetit të Vermontit, z. John S. Rodgers.
Gjatë këtij takimi miqësor dhe përmbajtësor, u diskutuan një sërë çështjesh me rëndësi të ndërsjellë, përfshirë politikat shtetërore të Vermontit, zhvillimet në fushën e ekonomisë, sfidat demografike, si dhe fenomeni i migrimit të të rinjve nga vendet e rajonit tonë.
Ky takim shërbeu si një mundësi e mirë për të ndarë përvoja dhe për të identifikuar praktika të mira që mund të përshtaten edhe në kontekstin tonë, me qëllim krijimin e politikave më efektive për zhvillim të qëndrueshëm dhe mbajtjen e të rinjve brenda vendit.
https://www.facebook.com/plugins/post.php?href=https%3A%2F%2Fwww.facebook.com%2FBekimSali.AlternAtivA%2Fposts%2Fpfbid0ooXGnR6p8s9ndJLWdtkqLg16FcYXsuF5EZT9dVA19Y3SLVGq2f23tU3BpabC8vBYl&show_text=true&width=500
