Në seancën e sotme parlamentare ku po debatohet interpelanca e tij, ministri i Brendshëm, Pançe Toshkovski, deklaroi se i vjen keq për çdo jetë të humbur dhe për çdo zemër të thyer në natën fatale në diskotekën “Pulse” në Koçan.
“Më vjen keq që nuk kishte asnjë sistem në vend që do të kishte parandaluar një tragjedi të tillë. Çdo kritikë apo dilemë meriton një përgjigje serioze, të bazuar në fakte”, theksoi Toshkovski nga foltorja parlamentare.
Lidhur me zjarrin te “Pulse”, ministri thotë se nuk ka bazë ligjore për të pretenduar se Ministria e Brendshme ka pasur një defekt me mjetet piroteknike.
“Përgjegjësia u takon vetëm atyre që e prezantuan, lejuan që të futet dhe të përdoret në kundërshtim me ligjin”, shtoi Toshkovski nga foltorja parlamentare.
Ministri thekson se “ai nuk po ikën, nuk po hesht dhe nuk po fshihet”. Sipas tij, qytetarët kanë të drejtë të bëjnë pyetje dhe të marrin përgjigje, por askush nuk ka të drejtë të abuzojë me dhimbjen për pikë të vogla politike.
