Kryetari i Kuvendit, Afrim Gashi, ka përkujtuar sot viktimat e vërshimeve tragjike në Hasanbeg, që ndodhën në gusht të vitit 2016. Në një status në Facebook, Gashi shprehu dhimbjen e thellë që ende ndjehet edhe pas nëntë vitesh nga kjo fatkeqësi natyrore, e cila mori jetën e 23 personave dhe la pasoja të mëdha në komunitet.
“Dhimbja mbetet po aq e thellë”, shkroi Gashi, duke shtuar se kjo tragjedi ka lënë gjurmë të pashlyeshme në kujtesën kolektive. Ai theksoi rëndësinë e kujtimit me nderim të viktimave dhe të vlerave njerëzore, humanitare e solidare që i bashkuan banorët në ditët më të vështira.
Si banor i Hasanbegut dhe si kryetar i Kuvendit, Gashi u zotua për ruajtjen e kujtimit dhe nxjerrjen e mësimeve për të shmangur përsëritjen e tragjedive të tilla në të ardhmen.
https://www.facebook.com/plugins/post.php?href=https%3A%2F%2Fwww.facebook.com%2FAfrimGashiAlternAtivA%2Fposts%2Fpfbid02exr7o9eSs4hLoGvoFTkVMgk2qRwzmTCS3D6rCddmQbgieEcWovDkHZeb71eVz3Wvl&show_text=true&width=500
