Zëvendëskryeministri i parë, Izet Mexhiti, ka bërë të ditur se ka vizituar vendlindjen e mësuesit dhe veprimtarit Azem Morana.
“Dje, bashkë me Afrimin, Zekën dhe Bekimin, vizituam familjen e Azem Moranës. Ishim aty për të nderuar kujtimin e tij dhe për të ndarë lajmin se shkolla e re në fshat do të mbajë emrin e Azemit,” ka shkruar Mexhiti.
Ai e ka përshkruar Azem Moranën si “jo vetëm mësues, por edhe zërin e dijes, të gjuhës dhe të rezistencës”, duke theksuar se “në një kohë kur ruajtja e gjuhës dhe e identitetit kërkonte guxim, ai nuk u zmbraps. Qëndroi i palëkundur, me bindje të qarta: shqiptarët meritojnë liri dhe gjuhën e tyre.”
Sipas Mexhitit, nderimi i figurës së tij është detyrë për të gjithë:
“Ne që sot shkruajmë e flasim lirshëm shqip duhet ta nderojmë figurën e tij. Jam pafundësisht i lumtur që kemi mundur ta bëjmë këtë, që fryma e tij do të jetojë në shkollën fillore ‘Azem Morana’, në vendlindjen e tij. Aty do të rriten gjenerata të reja me idealet që ai mbolli ndër vite.”
https://www.facebook.com/plugins/post.php?href=https%3A%2F%2Fwww.facebook.com%2Fizetmexhiti%2Fposts%2Fpfbid02Qp2RWNLYvC2yGvMzzJe1oT7dDZkqYfMwgye7Z3ok9TEEtT5FxnPanvMCSeCpGooQl&show_text=true&width=500
