Kryetari i Qytetit të Shkupit, Orce Gjorgjievski, ka biseduar me përfaqësuesit e policisë financiare lidhur me akuzat që ai ngriti për shkelje ligjore në punën e disa ndërmarrjeve publike. Gjorgjievski më herët njoftoi se janë shkarkuar 500 persona që për muaj ose vite nuk kishin shkuar në punë, dhe se nuk do të ketë tolerancë për raste të tilla.
“Patëm një takim tematik me përfaqësues të policisë financiare. Në interes të hetimit nuk do të jap më shumë detaje. Nga ajo që kam bërë të ditur deri tani, rreth 500 persona janë larguar nga listat sepse merrnin pagë pa shkuar në punë, duke shkelur Ligjin për marrëdhënie pune. Nuk janë persona që do të zëvendësohen me të rinj, por ndodh kjo sepse kanë bërë keqpërdorime në institucionet shtetërore. Kjo përbën rreth 5 milion euro dëm në vit,” tha Gjorgjievski për MRT.
Gjorgjievski theksoi se duhet të ketë edhe përgjegjësi komanduesish, që do të thotë se jo vetëm të largohen ata që nuk shkojnë në punë, por të mbajnë përgjegjësi edhe ata që nënshkruanin për këtë dhe drejtorët.
