Harris e ka telefonuar presidentin e zgjedhur Trump për ta uruar për fitoren e zgjedhjeve presidenciale të vitit 2024
Nënpresidentja demokrate Kamala Harris pranoi disfatën në zgjedhjet presidenciale në një telefonatë me republikanin Donald Trump, transmeton Anadolu.
CNN, duke cituar një zyrtar të lartë, raportoi se Harris “e thirri presidentin e zgjedhur Trump për ta uruar për fitoren e zgjedhjeve presidenciale të vitit 2024”.
Rrjeti tha se Harris “diskutoi rëndësinë e një transferimi paqësor të pushtetit dhe të qenit president për të gjithë amerikanët”.
Telefonata erdhi disa orë përpara se Harris të mbajë një fjalim të planifikuar përpara mbështetësve pas humbjes, njoftoi zyra e saj.
Trump kapërceu 270 votat e nevojshme të Kolegjit Zgjedhor për të fituar rizgjedhjen të mërkurën herët, dhe aktualisht qëndron në 292 ndaj 224 të Harrisit, sipas The Associated Press.
Fitorja e Trumpit shënon një rikthim historik pasi ai nuk u rizgjodh për një mandat të dytë radhazi në vitin 2020, në të cilin ai pretendoi se zgjedhjet ishin manipuluar dhe u përpoq pa sukses për të përmbysur rezultatet.
Trump do të inaugurohet për mandatin e tij të dytë në Shtëpinë e Bardhë më 20 janar 2025.
