Aleanca për Shqiptarët, krahu i Arben Taravarit mbrëmë në Tetovë ka mbajtur mbledhje të rregullt të Kuvendit në të cilin është diskutuar për aktualitetin politik dhe bisedimet me koalicionin VLEN në lidhje me zgjedhjet lokale.
Taravari thekson se tash për tash nuk do të largohet nga koalicioni VLEN, megjithatë nëse nuk arrihet marrëveshje për zgjedhjet lokale do të del vetë në zgjedhje. Nuk mohon bashkëpunimin eventual me BDI-në.
“Tash për tash, jo. Grupet punues mes deputetëve ende janë në negociata. Kështu që, shpresoj që të gjejnë gjuhë të përbashkët. Në qoftë se nuk gjejnë atëherë shohim si e bëjmë. Unë mendoj se Aleanca për Shqiptarët në qoftë se s’del me VLEN-in opsion të dytë e ka të del vet në zgjedhje dhe ky është opsioni i dytë, por ta shohim edhe disponimin si janë mes anëtarësisë, mes anëtarëve të kryesisë, mes anëtarëve të Kuvendit. Për mua është shumë me rëndësi zëri i qytetarit dhe zëri i anëtarësisë”, tha Arben Taravari, Aleanca për Shqiptarët./ Alsat.mk
