Pas procesit gjyqësor për ngjarjen tragjike të djegies së Spitalit Modular në Tetovë, ku humbën jetën 14 persona, Gjykata ka shpallur vendimin për të akuzuarit në këtë rast.
Florin Besimi dhe Artan Etemi janë dënuar me nga 1 vit e 6 muaj burg secili, për përgjegjësi lidhur me kushtet dhe menaxhimin e spitalit modular që çuan në këtë tragjedi me pasoja fatale.
Spitali Klinik Tetovë është gjobitur me 1 milionë denarë për mangësitë dhe shkeljet që kontribuuan në përkeqësimin e sigurisë dhe mbrojtjes së jetës së pacientëve dhe personelit.
Autoritetet theksuan se kjo vendimmarrje është një mesazh i fortë kundër neglizhencës dhe keqpërdorimeve në institucionet shëndetësore, duke kërkuar përgjegjësi dhe transparencë në menaxhimin e objekteve që kanë të bëjnë me jetën dhe shëndetin e qytetarëve.
Të akuzuarit kanë mundësi të apelojnë vendimin në instancat më të larta, ndërsa shoqëria presin masa shtesë për parandalimin e tragjedive të ngjashme në të ardhmen.
