Kreytari i Kuvendit, Afrim Gashi, ka prezantuar dy platforma të reja digjitale, që nuk paraqesin vetëm avancime tekologjike, por ura të reja komunikimi mes qytetarëve dhe Kuvendit.
“Web-platforma e Zyrave për Kontakt me Qytetarët – është një adresë e re për kontakt me deputetët, të cilën mundet lehtësisht ta përdor çdo qytetar, në çdo vend, në çdo kohë. https://kancelarii.sobranie.mk
“Pyete Kuvendin”- është një softuer inovativ që përmes intelegjencës artificiale ndihmon në përpunimin dhe shpërndarjen e informacioneve lidhur me seancat parlamentare. Ky është një lehtësim i dukshëm multifunksional për qytetarët, mediat, administratën dhe studiues të ndryshëm, të cilët kanë nevojë për informata substanciale nga këto zhvillime. https://prashaj.sobranie.mk
Këto platforma u shqyrtuan sot në Kuvend, së bashku me ekspertë ndërkombëtarë dhe vendor, si dhe përfaqësues të organizatave, gjatë konferencës për digjitalizim.
Në fjalën time të rastit theksova se kjo ngjarje për mua paraqet realizim konkret të një pjese të vizionit tim për një Kuvend të hapur, efikas dhe të besueshëm.
Sepse transparenca është themel i besimit dhe besimi është themel i një institucioni të fuqishëm.
Faleminderim i veçantë për partnerët tanë në këtë sukses NDI & QMN; ekspertët dhe autorët nga Symfonica dhe Brainster; si dhe Ambasadën e Zvicrës – për mbështetjen, kreativitetin dhe përkushtimin në këtë proces transformues”, ka deklaruar Gashi.
