Një grup studentësh nga Universiteti i Prishtinës dhe Universiteti i Europës Juglindore kanë vizituar Kuvendin e RMV-së dhe janë pritur nga kryeparlamentari Afrim Gashi.
Gashi e vlerësoi mundësinë për të ndarë pikëpamjet për rolin e Kuvendit në ndërtimin e institucioneve.
Njoftimi i Gashit në Facebook:
Takimi ishte një mundësi e shkëlqyer për të ndarë pikëpamjet dhe për të diskutuar me ta hapur mbi funksionimin e sistemit tonë politik, sfidat demokratike dhe rolin që ka Kuvendi në ndërtimin e institucioneve të forta dhe përfaqësuese.
Pyetjet e tyre të mprehta, diskutimet të gjalla dhe energjia që sollën, më dha edhe njëherë krenarinë që kemi një brez të angazhuar, kritik dhe të motivuar për të qenë pjesë aktive e zhvillimeve shoqërore dhe politike.
Jam i bindur se dialogu me të rinjtë është thelbësor për të ardhmen e vendeve tona e na kujton se ndërtimi i demokracisë është proces i përbashkët.
https://www.facebook.com/plugins/post.php?href=https%3A%2F%2Fwww.facebook.com%2FAfrimGashiAlternAtivA%2Fposts%2Fpfbid02Yvg26mF1zpFrXv4Xo24FsJh9LgpMXWKsBU1wiW9h73inbrggXvBHQgMxd4Gq6oBRl&show_text=true&width=500
